Hoxe á mañá tiven unha relación sexual cun rapaz. Primeiro fixémolo con condón pero despois un pouco apelo. Estou nos meus días fértiles e non sei se debo preocuparme e ir a comprar a píldora, que fago?.

Sería recomendable que empregases a anticoncepción de emerxencia, xa que mantiveches unha relación de risco, é dicir, sen unha protección axeitada.

A píldora do día despois débese tomar dentro das 72 horas (3 días) seguintes á relación de risco, tendo en conta que a eficacia vai diminuíndo a medida que van avanzando as 72 horas; canto antes de tome o tratamento, máis efectivo é.

É aconsellable comer antes de tomar as pastillas, xa que contribúe a reducir os posibles efectos secundarios que poden darse. Se vomitas durante as dúas horas seguintes á inxestión das pastillas, necesita repetir á toma canto antes. Se vomitas despois de tres horas de tomar os comprimidos, non te preocupes, a medicación xa che fixo efecto.

Nos días posteriores á toma é posible que apareza un sangrado vaxinal. Tamén pode presentarse coincidindo coa seguinte menstruación. Se non se presenta a menstruación na data esperada debes acudir de novo ao teu médico para realizar un test de embarazo. E se estás tomando anticonceptivos orais tes que continuar tomándoos con normalidade. Os efectos secundarios son pouco frecuentes, débiles e desaparecen rapidamente. Poden aparecer náuseas, dores de cabeza e desaxustes menstruais.

Se transcorreron máis de 72 horas (tres días) dende que se produciu o coito sen protección, non empregues as pílulas postcoitais. Acode ao teu centro de saúde, para que persoal cualificado asesóreche e poidas valorar as posibles opcións, tales o DIU poscoital ou outra píldora que poden ser usados ata as 120 horas despois. Estes métodos ten que ser prescrito por persoal médico.

Tamén podes acudir a un centro de planificación, o máis preto á nosa comarca atópase en Santiago, onde especialistas che poden asesorar e informarche sobre o proceso (Rúa Londres, 2 – Fontiñas e o teléfono é: 981 577 572). A atención é gratuíta e tamén anónima.

Lembrar tamén a importancia dun uso correcto do preservativo, o único método que evita ó mesmo tempo os embarazos non desexados e as Infeccións de transmisión Sexual e o VIH-SIDA.

Esperamos que esta información resolvera as túas inquedanzas, senón non dubides en volver a poñerte en contacto connosco ou se tes algunha outra. Grazas.