bueno pues me paso eso, estaba con mi novio teniendo relaciones sexuales, y despues de la penetracion , me di cuenta de que sangre un poco, yo no era virgen, y no tenia la regla ya que se me fue una semana antes. que sera? ayuda porfavor

gracias

Moitas mulleres sofren sangrados durante as relacións sexuais, ben durante as mesmas ou despois delas.

Existen múltiples causas que poidan causar sangrado, entre elas que a rapaza non estea suficientemente excitada, o que provoca que a mucosa vaxinal esta seca e a vaxina non dilate o suficiente o que pode provocar microlesións con sangrado. Tamén as relacións sexuais bruscas que poden lesionar a sempre fráxil mucosa da vaxina. Por isto é importante que á hora de manter unha relación con penetración non estar nerviosa, xa que os músculos da vaxina estrarán contraídos e os labios menores segregarán menos fluxo vaxinal o que poden dificultar a penetración e provocar pequenos sangrados.

Canta máis confianza e comodidade se ten na parella, máis relaxada estará e así os músculos da vaxina dilataranse. Ademais é importante falalo ca parella, para conseguir entre ambos unha boa excitación e que así os músculos da vaxina se dilaten. Unha forma de conseguilo e relaxarse, deixarse levar pólas sensacións e o pracer (que non só nolo dá a penetración), xogar ca parella. Todo o noso corpo nos pode procurar pracer.

O sexo non debe reducirse só o coito, e moito menos se son os primeiros acercamentos ó sexo que se teña. A relación con penetración é unha forma máis de comunicación sexual e afectiva da parella, pero nin é a máis importante nin a única.

Tamén é fundamental sentir liberdade para elixir o momento e a persoa coa que o queres facer. O sangrado, e ás veces a dor, tamén pode indicar que o estás facendo por presión, temor a perder á parella, ou por “encaixar” co que fan o grupo de amigas/os. En todo caso pensa que as molestias poden ir desaparecendo nas seguintes relacións, e en canto te sintas relaxada e cómoda.

Tamén pode ocorrer que aínda que xa se tiveran relación sexuais con penetración con anterioridade pode ser que o hime non rompera. Xa que o hime é unha membrana moi fina e flexible que “pecha” parcialmente o orificio vaxinal que pode romper na primeira relación con penetración ou non.

Se o sangrado persiste é necesario unha exploración xinecolóxica directa da zona para saber como está e ver se existen problemas locais que xustifiquen o problema, xa que outras posibles causas poden ser pequenas lesións (xeralmente benignas), posibles infeccións, ou problemas hormonais. E así poder detectalos e corrixilos.

Se por algunha razón te atopas con dificultades para ir a un xinecólogo/a en Santiago de Compostela existe un centro de Planificación familiar, onde a atención é gratuíta. O enderezo é: Rúa Londres, 2 (Fontiñas- detrás da Cruz Vermella) e o teléfono é o: 981 57 75 72.

Esperamos que esta información resolvera as túas inquedanzas, senón non dubides en volver a poñerte en contacto connosco ou se tes algunha outra. Grazas.