Dáme moita vergoña facer estas preguntas aquí, pero non sei que facer.. só quero saber iso, como fago para pedirllo sen morrer de vergoña?

Que non che dea vergoña plantexar calquera dúbida que teñas, xa que este espazo é precisamente para iso, resolver inquedanzas que poidamos ter nun momento dado e non sabemos onde ou como preguntar .

En canto o que comentas o que deberías facer é falar con el directamente sobre a cuestión que nos estás a plantexar. Dicirlle cales son os teus desexos, o que estás a sentir, xa que nunha relación de parella algo fundamental é a comunicación e coñecervos ámbolos dous, os vosos gustos, desexos, medos, … para así poder gozar e compartir o que vos gusta.

A sexualidade non é unha excepción, xa que se trata de que as dúas persoas desfrutedes e atopedes como facelo e para iso cando tes unha parella é moi importante falar, coñecervos como persoas, os modos de desfrutar dos vosos corpos e as diferentes prácticas sexuais que poidades realizar para así ir descubrindo entre os dous como vivila satisfactoriamente. O sexo anal tampouco é unha excepción, é unha práctica sexual que pode gustar a unhas persoas e a outras non, por iso se a ti che apetece probala deberías comentarllo directamente e falalo con el entre os ous probar se vos gusta.

Se decidides practicar sexo anal unha recomendación é que nun comezo é mellor comezar explorando e estimulando a zona (con caricias, roces, bicos,….) e non comezar directamente coa penetración xa que o ano non dilata de igual xeito que a vaxina e pode haber molestias. Para que estas sexan as menores posibles e moi útil o uso de lubricantes (lembra que teñen que ter base acuosa e o preservativo debería ser más groso por posibles roturas, sobre todo as primeiras veces).

Imaxínate por exemplo, que a el lle guste un montón esquiar e ti nunca o fixeras e non sabes moi ben se che pode gustar, ¿plantexaríaste coller os esquís e tirarte por unha pista?. De seguro que non, pouco a pouco irías aprendendo a poñer os esquís, coller os bastóns e de seguro que el estaría alí contigo ata que te sentirás segura para facelo. E, ese camiño de aprendizaxe sería moi enriquecedor e satisfactorio para os dous. Pois ben, aínda que as relacións sexuais non son como esquiar, si que entre os dous podedes ir aprendendo xuntos a satisfacer os vosos sentimentos, desexos, gustos,... da man un co outro/a, percorrendo xuntos o camiño.

Esperamos que esta información resolvera as túas inquedanzas, senón non dubides en volver a poñerte en contacto connosco ou se tes algunha outra. Grazas.