Ola María, vai facer un ano que empecei ca píldora e unha pregunta, a píldora pode ocasionarche angustia?. E que non sei que me pasa que ultimamente sempre teño ganas de chorar e penso que meu mozo se esta aburrindo de min, pero todas as miñas amigas dinme que non por que me trata coma sempre, pero non sei síntome triste.

Entre os efectos secundarios da píldora anticonceptiva están os cambios de humor. Estes xeralmente aparecen nos primeiros meses de toma da píldora e pasados os mesmos desaparecen. Pero non debemos esquecer que a píldora son hormonas sexuais e que vai depender da persoa a influencia que poidan ter no organismo esas hormonas, todas temos unha sensibilidade distinta.

Aínda que non é habitual pode ocorrer que ese cambio de humor poida ser debido á toma da píldora, pero tamén poden existir outras causas.

Houbo algún cambio recente na túa vida?, ás veces ante un cambio o corpo “responde” pasado ese momento ou estás a pasar pr unha situación que pode influír máis do que cres no teu estado de ánimo?. Este sería un bo momento para facer unha reflexión sobre as “ cousas” da túa vida, seguro que nun comezo saen as menos boas pero tamén tes un montón de cousas boas, só tes que “darlles luz”, deixarte querer polas persoas que están o teu redor e facer cousas que che fagan feliz, mímate. Todos/as temos nalgunha ocasión unha “mala época”, non debes preocuparte, o vaso está medio cheo, non medio baleiro.

De todos os xeitos se consideras que non houbo ningunha situación que poida ser o “responsable” dese cambio de humor, deberías acudir ó teu médico/a e comentarlle o que che está suceder para facer unha revisión de descartar posibles causas físicas que causas físicas ou valore se a combinación da píldora que estás a tomar é a máis axeitada para ti.

Esperamos que esta información resolvera as túas inquedanzas, senón non dubides en volver a poñerte en contacto connosco ou se tes algunha outra. Grazas.