Perdin a virxinidade co meu actual mozo, co cal foi co único co que mantiven relacións sexuais. Ata agora sempre fora com protección pero hai uns dias foi sin condon. El xa tuvera relacións sexuais sin condon con outras anteriormente e agora estou coa duda de si podo ter ou non algunha enfermedad.

As Enfermidades de Transmisión Sexual (ETS) contáxianse a través do intercambio de fluidos como o seme ou fluxo vaxinal con persoas infectadas durante as relacións sexuais sen condón, tanto por vía oral, anal ou vaxinal.

Outras infeccións, como o herpes xenital, transmítense polo contacto directo con áreas da pel ou mucosas infectadas, o que pode ocorrer a través do roce ou durante o sexo.

Todas as persoas sexualmente activas e que non se protexan ó manter relacións sexuais empregando adecuadamente o condón están expostas ás ETS. Basta un solo contacto sexual con alguén que esté infectado para contaxiarse.

Por outra banda a maioría das ETS non soen presentar síntomas detectables a simple vista ou, en ocasións, os síntomas son difíciles de asociar con este tipo de infeccións.

Entón para resolver esa dúbida de si puideras ter ou non algunha enfermidade só as podes aclarar cos exames médicos oportunos.

Agardamos que che serviran de axuda os nosos consellos, se tes algunha dúbida máis podes poñerte de contacto de novo.