Fai pouco abortei voluntariamente e quería saber se cando vaia ao medico vaime salir no historial ou o medico podeme decir algo se vou acompañada ou se me vai decir algo respeto a eso. Miña parella non o sabe e quero que siga sen sabelo. E dentro duns meses teño pensado quedar embarazada,hay algun inconveniente ou algo por ir abortar fai pouco? Grazas

Na túa pregunta plantexas varias cuestións ás cales vou tratar de respostar por partes.

En xeral o aborto optativo non provoca problemas de fecundidade nin complicacións posteriores nos embarazos. Sen embargo, hai estudos que suxiren unha posible relación entre o aborto e o risco elevado de nacemento prematuro e baixo peso ao nacer.

De tódolos xeitos, estos riscos dependen do tipo de eaborto que se realice (o cal ti non especificas):

• Aborto médico: no que se toman medicamentos nos primeiros meses de embarazo para abortar o feto. Estes abortos non aumentan o risco de ter complicacións nos embarazos futuros.
• Aborto quirúrxico: neste extráese o feto do útero a través da vaxina, cun procedemento quirúrxico. Neste caso as mulleres sometidas a varios abortos quirúrxicos poden presentar maior risco de presentar traumatismos no cuello de útero.

Polo tanto, se che preocupa o posible impacto que poida ter o teu aborto nun embarazo futuro, fala co/a profesional que cho practicou, xa que éste mellor ca ninguén sabe como está o teu organismo e os riscos que pode haber; así como o tempo prudencial de espera (no teu caso concreto) para tentar un novo embarazo.

Polo que respecta á confidencialidade da acción que levaches a cabo, todas as intervencións que nos pratican no Sistema galego de saúde quedan rexistradas no noso historial médico. Dito historial é privado, pero lóxicamente en calquera consulta posterior que poidas ter o/a profesional pode facer referencia a todas aquelas intervencións ás que nos someteron nun pasado; de feito sempre que se acode a un especialista fai un historial con todas as enfermidades que padecemos, así como intervencións quirúrxicas ás que nos sometemos... e no caso das mulleres, outra das preguntas que nos fan é o número de embarazos que tivemos. Entón se a túa parella non o sabe, e o aborto aparece no teu historial clínico pode ocorrer que o médico o mencione ó longo dalgunhas das consultas que se teñen durante o proceso do embarazo.

Agardo que che servira de axuda, se tes algunha outra inquedanza non dubides en poñerte en contacto.