O vapor do cigarro electrónico (e-cigarro) pode expor un risco igual ou mesmo maior que fumar tabaco para empeorar un accidente cerebrovascular, segundo conclúe un estudo preliminar realizado en ratos e cuxas conclusións se presentan na Conferencia Internacional de Ictus 2017, organizada pola Asociación Americana do Corazón.

Os/as investigadores/as atoparon que os ratos expostos ao vapor do e-cigarro durante dez ou 30 días tiveron peores resultados de apoplexía e déficits neurolóxicos que os expostos ao fume de tabaco. A exposición ao cigarro electrónico diminuíu a captación de glicosa no cerebro. A glicosa alimenta a actividade cerebral.

Tanto a exposición ao e-cigarro como ao fume do tabaco durante 30 días prexudicou significativamente os niveis circulantes dunha encima necesaria para a coagulación, potencialmente aumentando o risco de accidente cerebrovascular e empeorando a lesión cerebral secundaria.

Desde unha perspectiva da saúde do cerebro, os/as investigadores/as sinalan que a fumigación do cigarro electrónico non é máis segura que o tabaquismo, e pode expor un risco similar, se non máis alto, de severidade do accidente cerebrovascular. O uso de cigarros electrónicos é un problema crecente de saúde tanto nas poboacións que fuman como nas que non fuman.

Con todo, os/as investigadores deste traballo, expertos de “Texas Tech University”, en Estados Unidos, consideran que se necesitan estudos rigorosos para avaliar os efectos da exposición á nicotina a través do consumo de e-cigarros no cerebro e o accidente cerebrovascular.

Fonte: Infosalus