A Asociación Antidroga Renacer,  coa colaboración do grupo de investigación en psicoloxía e calidade de vida (PsiCAL), da Universidade de Valencia desenvolveu  o estudo “Análise da familia, como axente de promoción da saúde” cos proxenitores do alumnado de 6º de E.P e  primeiro ciclo da ESO (1º e 2º de secundaria) de  Ribeira.

O obxectivo principal do mesmo foi levar a cabo unha análise do sistema familiar, para identificar e coñecer mellor os factores de protección e de risco, que dende o mesmo, poden condicionar o inicio no consumo de substancias, especialmente do alcohol, e poder así centrar con posterioridade as intervencións, e anticiparnos á aparición do problema, sobre todo tentando evitar  que se produza a  idades tan temperás.

A determinación das franxas de idade para facer o mostreo veu determinada pola observación do entorno, os datos recollidos a través do traballo levado cabo pola entidade coa poboación xuvenil, e os datos do último informe Estudes 2020, do Plan Nacional de Drogas, que amosan que o alcohol segue sendo a substancia de maior consumo na adolescencia, e  que a primeira toma de contacto co mesmo dáse en torno ós catorce anos de media.

Para facer o estudo contactouse cos equipos directivos dos centros educativos do concello, explicouse o seu  propósito e pediuse a súa colaboración para contactar coas familias. Posteriormente, dende os mesmos, a través das plataformas que empregan para contactar cos proxenitores, achegáronlles os enlaces para cumprimentar os cuestionarios que o conforman.

A través do estudo fíxose unha avaliación das necesidades latentes no seo das familias, analizando as estratexias de intelixencia emocional que empregan, o funcionamento e comunicación no sistema familiar, as actitudes dos proxenitores ante o consumo de substancias en xeral, e do alcohol en particular.

Na madrugada do pasado 31 de agosto entraba en vigor a nova regulación da publicidade do xogo e apostas deportivas. Entre os cambios a destacar, salientar que a publicidade do xogo e apostas queda prohibida na televisión en calquera momento do día que non sexa de unha a cinco da madrugada.

O COVID19 afectou á nosa forma de vida en case tódalas facetas, unha das máis notorias é a aceleración e intensificación dos procesos de dixitalización que xa estaban en marcha. Trátase, polo tanto, dun proceso que se acelerou como producto das necesidades impostas pola pandemia. Un dos aspectos máis destacables é o aumento do consumo de medios, sobre todo canales dixitais como a prensa, televisión multimedia e outras plataformas de comunicación que aumentaron co illamento ó que se viu forzada a maior parte da poboación como consecuencia do confinamento, para facer fronte ó brote inicial da pandemia.

O consumo de alcohol durante a adolescencia e xuventude  asociase coa aceleración e rixidez arterial, un precursor da enfermidade cardiovascular, según conclúe un estudo presentado no Congreso da Sociedade Europea de Cardioloxía ESC 2021.

Houbo diversas probas que demostran a existencia dun aumento gradual co uso máis intenso de alcohol, o que significa que canto máis se bebe maior é o aumento da rixidez arterial. Dita relación non se explica por outros factores que poidan predispoñer á enfermidade cardíaca, o que suxire que o comportamento de risco durante este periodo ten un efecto directo sobre a saúde vascular.

Unha idea errada, moi extendida entre este grupo de idade, é que o consumo desta substancia é completamente seguro. Un equipo multiinstitucional acaba de publicar na revista "Pediatrics", a cal examina o impacto de consumir marihuana na poboación adolescente, que o impacto é contundente e decisivo na función respiratoria  e no desenvolvemento do cerebro. Un dos investigadores da Universidade de Texas sinala que a investigación sobre as diversas formas de consumo de marihuana amosa que cada método implica riscos diferentes.

As adiccións con e sen substancia constitúen un dos principais problemas de Saúde Pública que afectan ós/ás adolescentes españois. A pesares de que os datos recollidos na última Enquisa Estatal sobre uso de Drogas na Ensinanza Secundaria (ESTUDES 2018- 2019) sinalan unha discreta diminución do consumo dalgunhas substancias, os índices de consumo continúan situándose en cifras preocupantes. O alcohol é a substancia psicoactiva máis consumida. O Informe 2020 da enquisa ESTUDES advirte dun estancamento case “endémico”, xa que en ningún intre da serie histórica o consumo nos últimos 12 meses se situou por debaixo do 72%. Persiste, ademais, un patrón de consumo intensivo ou en forma de atracón, coñecido no ámbito anglosaxón como Binge Drinking, caracterizado pola inxesta de elevadas cantidades en cortos períodos de tempo e cuxos efectos no organismo e, en particular, nun cerebro en pleno proceso de maduración poden ser devastadores. A nivel comportamental tamén se demostrou que os/as adolescentes con este patrón de consumo presentan unha maior probabilidade de iniciarse no consumo doutras substancias, con consumos de risco ou incluso unha posible dependencia na idade adulta.

A pandemia da COVID-19 afectou significativamente á percepción e valoración que os/as xoves fan da tecnoloxía, debido a importancia das TIC na súa vida cotiá durante este período: un 47,4% dos/as xoves españois entre 15 e 29 anos valora máis ca antes o tempo de desconexión de Internet e redes sociais. E algo máis dun terzo (37,1%) tamén destaca que aproveita mellor o seu tempo na rede dende a chegada da pandemia. 

A pesares dese certo grao de saturación de pantallas, os/as xoves seguen sendo “tecno optimistas” e para o 57,1% a tecnoloxía contribúe claramente a mellorar a calidade de vida das persoas, o que supón un aumento de 7,4 puntos con respecto ó 2020. 

Maioritariamente (71%) cren que teñen competencias dixitais elevadas e o 88,2% actúa como mediador experto para apoiar ó seu entorno social no emprego do uso de Internet e TICs.

Estes son algúns dos principais resultados do “Barómetro Jóvenes y Tecnología 2021. Trabajo, estudios y prácticas en la incertidumbre pandémica”, una investigación del Centro Reina Sofía sobre Adolescencia y Juventud de Fad, financiada por Google, e realizada a través de 1.200 enquisas  a xoves entre 15 e 29 años.

No estudio afóndase nas percepcións sobre a tecnoloxía no futuro, nas experiencias de trabalo e na  educación durante a pandemia, así como nos seus usos tecnolóxicos. A investigación foi presentada pola directora xeral da Fad, Beatriz Martín Padura, e polo investigador do Centro Reina Sofía sobre Adolescencia e Xuventude da Fad, Daniel Calderón. 

Dende a Asociación Renacer xunto coa Confraría da Dorna ponse en marcha, un ano máis, a campaña de prevención de enfermidades de transmisión sexual e embarazos non desexados baixo o lema: " Móllate o xusto! Sempre chuvasqueiro.

Como tódolos anos, dende o 1987, conmemórase o Día Internacional contra o Tráfico Ilícito e Abuso de drogas. Neste 26 de xuño; o obxectivo é crear unha conciencia sobre o problema que representan para a sociedade as drogas ilícitas. Elixindo para a ocasión o lema  seguinte " Hablemos de Drogas: la información salva vidas", combatindo deste xeito a desinformación posto que é fundamental coñecer os riscos que ten para a saúde buscar tódalas solucións posibles para abordar este problema mundial das drogas; dende a prevención, o tratamento e unha atención integral fundamentadas nas probas e o coidado das persoas con adicción ás drogas.

Ademais, a campaña nesta ocasión quere amosar os datos clave que proveñen do Informe Mundial sobre as Drogas da Oficina das Nacións Unidas contra a Droga e o Delito ( UNODC). Deste xeito, con feitos baseados na ciencia e en solucións prácticas poderase ter unha visión clara e obxectiva deste problema de saúde mundial. O informe preséntase en seis folletos que ofrecen unha gran cantidade  de información e unha análise para axudar á comunidade internacional a implementar recomendacións operativas sobre unha serie de compromisos asumidos polos Estados Membros.

Un dos efectos da crise socio sanitaria provocada polo COVID é o impacto que tivo e segue a ter sobre a saúde mental da poboación. Os cadros de ansiedade e depresión son os máis prevalentes xunto coas fobias que tamen experimentaron un aumento importante. De feito, unha de cada cinco persoas  en España tivo sentimentos de desesperanza e tristeza durante  moitos días neste ano da pandemia, e máis da metade senten cansancio extremo e pouca enerxía, según datos das últimas enquisas do Centro de Investigacións Sociolóxicas (CIS) publicados a principios de marzo; datos semellantes aos que presenta o Consello xeral da Psicoloxía de España, os cales poñen de manifesto que un de cada catro habitantes españois presentan síntomas relacionados coa depresión grave ou moderada.