Cada ano, o 31 de maio, a OMS e asociados de todo o mundo celebran o Día Mundial Sen Tabaco, dedicado a resaltar os riscos para a saúde asociados ao consumo de tabaco e promover políticas eficaces para reducir ese consumo. O consumo de tabaco é a principal causa evitable de defunción no mundo, e actualmente mata a un de cada 10 adultos en todo o mundo.

Para o Día Mundial Sen Tabaco 2014 fan un chamamento aos países para que aumenten os impostos ao tabaco, baixo o lema “Máis impostos sobre o tabaco, menos mortes e enfermidades”.

Para o Día Mundial Sen Tabaco 2014, a OMS e os seus asociados fan un chamamento aos países para que aumenten os impostos ao tabaco.

O obxectivo primordial do Día Mundial Sen Tabaco é contribuír a protexer ás xeracións presentes e futuras non só das devastadoras consecuencias do tabaco para a saúde, senón tamén dos flaxelos sociais, ambientais e económicos que se derivan do consumo de tabaco e da exposición ao fume que desprende.

Segundo un novo informe publicado pola Organización Mundial da Saúde (OMS), en 2012 producíronse 3,3 millóns de defuncións no mundo, provocadas polo uso nocivo do alcol. O consumo de alcol non só pode causar dependencia, senón que tamén aumenta o risco de que as persoas padezan máis de 200 enfermidades, entre elas cirroses hepática e diversos cancros. Ademais, o consumo nocivo de alcol pode relacionarse coa violencia e os traumatismos.

No informe tamén se chega á conclusión de que o uso nocivo do alcol fai que as persoas sexan máis vulnerables ás enfermidades infecciosas, como a tuberculose e a pneumonía.

A incidencia do VIH en España continúa crecendo cada ano, especialmente entre a poboación xuvenil, como mostra que un 24,5 por cento dos 3.200 novos casos que se detectan cada ano danse en mozos/as de 20 a 29 anos, segundo destacaron diferentes expertos/as durante a presentación da campaña “Noise against AIDS”, gañadora dun concurso organizado pola Coordinadora Estatal de VIH-SIDA (Cesida) e Janssen para previr os novos contaxios entre a comunidade universitaria.

A Fundación Galega contra o Narcotráfico, o Servizo Municipal do Concello de Riveira e a Asociación Renacer organizaron no Pazo de Baión, en Vilanova de Arousa, un Foro de Debate Profesional baixo o título "Os Retos da Prevención de Drogodependencias no século XXI"

O obxectivo principal desta xornada foi recoller suxestións e achegas que permitan mellorar a prevención de drogodependencias na nosa sociedade, propostas baseadas no coñecemento e a experiencia dos/as profesionais convocados/as, que traballan en contacto directo co problema das drogodependencias en Galicia.

A Asociación Renacer organiza o Curso de mediadores/as xuvenís en prevención de drogodependencias o vindeiro mes de xuño. O obxectivo do mesmo é promover a adopción e estilos de vida saudables e de ocupación do tempo libre entre os/as adolescentes e mozos/as de Riveira, a través da implicación e participación da poboación xuvenil nas actividades de ocio xuvenil.

O curso está dirixido a todas aquelas persoas maiores de idade (de 18 a 29 anos) con especial interese en traballar no eido das drogas e/ou que colaboren con entidades sociais, culturais (educadores/as sociais, traballadoras/es sociais, pedagogas/os, psicólogos/as, sociólogos/as, e estudantes en xeral).

A rápida implantación das novas tecnoloxías na vida das novas xeracións fixo que os mozos/as que non usan ou non frecuentan as redes sociais sintan que están en risco claro de exclusión e marxinación por parte do seu grupo de iguais. A maioría percibe que ou todo pasa nas redes sociais, ou as cousas que pasan fóra xestiónanse e prepáranse nelas, polo que quen non participa desta dinámica relacional é considerado "raro/a" ou "independente".

Esta é unha das variadas conclusións extraídas da última investigación realizada polo Centro Raíña Sofía sobre Adolescencia e Xuventude, denominado "Mozos e Comunicación: A pegada do virtual" e que foi presentado polo director xeral e o director técnico da Fundación de Axuda contra a Drogadicción (FAD), Ignacio Calderón e Eusebio Megías, respectivamente.

Poderías realizar unha entrevista de traballo acompañado dunha hiena?. E estudar para un exame cun emú na túa habitación?. Probablemente non. Pois consumindo drogas, tampouco. Este é o concepto creativo sobre o que se sustenta a última campaña de sensibilización sobre o consumo de drogas presentada hoxe polo director xeral da FAD (Fundación de Axuda contra a Drogadicción), Ignacio Calderón.

Co slogan “Crees que as drogas che axudan?” o seu obxectivo é cuestionar a hipotética funcionalidade que o consumo de drogas pode ter para determinadas actividades ou como poden interferir en procesos fundamentais da vida como pode ser estudar ou realizar unha entrevista de traballo.

ControlaTIC é unha campaña dirixida a familias, profesorado e alumnado desenvolvida por Fundación Mapfre coa colaboración do Grupo Siena e "Protégelos" sobre tecnoadiccións. Os obxectivos son: sensibilizar á poboación sobre a necesidade de desenvolver unha boa saúde dixital, dotar aos menores para que adquiran hábitos adecuados no uso controlado e seguro das TIC, informar as familias sobre as Tecnoloxías da Información e a Comunicación e proporcionar aos educadores e profesores materiais prácticos e flexibles.

A razón de ser desta proposta educativa radica nos datos obtidos dun proxecto de investigación, financiado pola Comisión Europea e realizado en sete países, que contou coa colaboración de "Protégelos" en España. Segundo este estudo, o 21,3% dos/as adolescentes españois está en risco de ser adicto/a a internet polo tempo que dedica a navegar pola Rede, fronte ao 12,7% da media europea.

Segundo os datos que recolle a Enquisa Escolar sobre Uso de Drogas en Estudantes de Ensinos Secundarios (ESTUDES) 2012-2013 o consumo de alcol entre os/as escolares de entre 14 e 18 anos aumentou nos últimos dous anos. A pesar deste aumento, sobe lixeiramente a idade de inicio no consumo de bebidas alcohólicas, que se sitúa nos 13,9 anos. Tamén se confirma a tendencia descendente no consumo de cannabis, que se reduciu nun 36% desde 2005 entre os/as escolares.

Desde o Plan Nacional sobre Drogas volveuse a subliñar a aposta do Goberno por previr o consumo de alcol entre os/as menores, alertou do arraigamento do fenómeno do “botellón” entre os/as menores e da elevada frecuencia das bebedeiras e dos atracóns de bebidas alcohólicas, cuxo uso se está xeneralizando.